Тавре медонем, ҷавонони соҳибиқболи даврони истиқлолият имрӯз дар меҳвари фаъолияти ҲХДТ қарор доранд. Зеро нақши ҷавонон дар татбиқи ҳадафҳои барномавии ҳизб басо баланд арзёбӣ мегардад. Ҳамарӯза ба Кумитаи иҷроияи Ҳизби Халқии Демократии Тоҷикистон дар ноҳияи Темурмалик, аз тарафи шаҳрвандон ва ҷавонони болаёқат барои ба сафи ҳизб дохил шудан муроҷиат карда мешавад. Қобили қайд аст, ки имрӯз аксарияти аъзоёни ин ҳизбро ҷавонони бонангу номус ва шарафманди кишвар ташкил медиҳанд, ки ҳадафҳо ва ғояҳои созандаи онро дар байни ҷомеа тарғиб намуда, дар баланд бардоштани маърифати сиёсии шаҳрвандон саҳми назаррас гузошта истодаанд. Зимни суҳбат сокинони ноҳияи Темурмалик, ки ба Кумитаи иҷроияи ҲХДТ муроҷиат ба сафи аъзои ҳизбро доранд, бо як ифтихори баланд, оид ба самтҳои фаъолияти ҳизбӣ, баланд бардоштани ҳисси ватандӯстӣ, ҳифзи арзишҳои миллиро ҳамчун таҷассумгари сиёсати пешгирифтаи давлату ҳукумат баён намуда, ба аъзогӣ қабул ва соҳиби шаҳодатномаи ҳизбӣ шуданро ифтихор менамоянд.