Боғпарварӣ яке аз манбаҳои сердаромад дар соҳаи хоҷагии халқ ба ҳисоб меравад. Хоҷагии деҳқонии Коперативии “Беҳбудӣ” дар деҳаи Ганҷинаи ҷамоати деҳоти Меҳнатободи ноҳияи Кӯшониён воқеъ буда, аъзоёнаш ба боғпарварӣ ва хушконидани меваҳо машғул мебошанд. Деҳқонони хоҷагии мазкур дар масоҳати 27,38 га замин дарахтони мевадиҳандаи себ, зардолу, олуболу, биҳисеб, нок ва шафтолу шинонидаанд.

Қайд кардан ба маврид аст, ки  ин  дарахтон нашъунамои хуб доранд. Тавре, ки ба кормандони Кумитаи иҷроияи ҲХДТ дар ноҳияи Кӯшониён иттилоъ доданд, баҳри хушк намудани олуболу, себ, биҳисеб мутахассиси ин соҳаро аз ноҳияи Мастчоҳи вилояти Суғд даъват намуда, дар асоси нишондодҳо хушконидан ва ғулинг намудани меваҳоро ба бозори истеъмолӣ содир намуда истодаанд.

Дар хоҷагии деҳқонии Коперативии “Беҳбудӣ” вобаста дастуру супоришҳои Асосогузори сулҳу ваҳдати миллӣ-Пешвои миллат, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон, ҷиҳати самаранок истифода бурдани заминҳои хоҷагӣ низ аҳамияти аввалиндараҷа дода шуда, заминҳои зери дарахтон оқилона ва самаранок истифода бурда мешаванд.