ҶАРАЁНИ БАРГУЗОРИИ “СОАТИ СИЁСӢ” ДАР МАВЗӮИ ҲИЗБИ ХАЛҚИИ ДЕМОКРАТИИ ТОҶИКИСТОН - ҲИЗБИ СОЗАНДА

Кушониён: Ташаббусҳои ҳизбӣ  

Санаи 25 ноябри соли 2023 дар муассисаи таҳсилоти миёнаи умумии № 25 -и ҷамоати деҳоти Заргари ноҳияи Кӯшониён дар асоси Амалиёти муштараки ҲХДТ ва Вазорати маориф ва илми Ҷумҳурии Тоҷикистон “Соати сиёсӣ” доир гардид.

Дар ин замина баромадкунандагон бо баромадҳои мукаммал ва дақиқ вобаста ба:

1.Таъсисёбӣ ва дастовардҳои Ҳизби Халқии Демократии Тоҷикистон

2.Вазъи сиёсии Тоҷикистон ва ҷаҳон дар моҳи ноябр;

3.Пешгирии ҷавонон аз ҳизбу ҳаракатҳои экстремистию террористӣ;

4.Риояи қонунҳои миллии Ҷумҳурии Тоҷикистон "Дар бораи масъулияти падару модар дар таълиму тарбияи фарзанд" ва "Дар бораи танзими анъана ва ҷашну маросимҳо дар Ҷумҳурии Тоҷикистон" баромадҳо ва суҳбатҳои судманд баргузор намуданд.

Дар рафти баргузории соатҳои сиёсӣ қайд карда шуд, ки ҲХДТ бо ташаббусҳои бузурги созандаи сиёсӣ ва бо эҳсоси баланди масъулият як силсила барномаҳои нав, ғояҳои тоза ва стратегияҳои судмандро пешниҳод кард, инчунин дар коркарди самтҳои муҳимтарин ва муносибатҳои сиёсӣ фаъолона иштирок намуд, муҳимтар аз ҳама ба пешрафти як қатор ҷанбаъҳои калидии кор такони нав бахшид.

Ҷавонони мо дуруст дарк кардаанд, ки ширкати фаъолона ва саҳмашон дар марҳалаи кунунии ободкории Ватан пеш аз ҳама, ба манфиати худи онҳо мебошад, зеро фардо худашон дар ҳамин сарзамин зиндагӣ карда, масъулияти рушди онро ба зиммаи хеш мегиранд.

Ҳамзамон, таъкид карда шуд, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба масъалаи ҷавонон таваҷҷуҳ ва аҳамияти хоса медиҳанд, зеро сол то сол насли ҷавон ба як қувваи нерӯманд табдил ёфта истодааст.

Бояд қайд намуд, ки баргузории “Соати сиёсӣ” дар МТМУ № 25 дар вуҷуди хонандагон ҳувияти миллӣ худшиносиву худогоҳӣ, ватандӯстиву меҳанпарастиро тарбия менамояд.

Дар соатҳои сиёсӣ омӯзгорон, директори муассиса, муовинон иштирок намуда, оид ба мавзуъҳои “Соати сиёсӣ” андешаҳои худро баён намуданд.