Шаҳодатномаи ҳизбӣ яке аз ҳуҷҷати асосии ҳар як аъзои ҳизб ба шумор меравад. Аз ин рӯ ҳар як аъзои ҳизб барои тозаву озода ва бо тартибу низоми муайян нигоҳ доштани шаҳодатномаи ҳизбӣ масъул аст.

Бо мақсади баланд бардоштани масъулияти ҳар як аъзои ҳизб ва бо ин васила муайян намудани мавҷудияти шаҳодатномаҳои ҳизбӣ дар доираи Амалиёти ҳизбӣ таҳти унвони “Шаҳодатномаи ҳизбӣ – ифтихори ман” КИ ҲХДТ дар ноҳияи Кӯшониён ба кормандони ҷавони ташкилоти ибтидоии ҳизбии “Маорифчиён” шаҳодатномаи ҳизбӣ супорид.

Ҳамзамон масъулини Кумита ба кормандони шуъбаи маорифи ноҳия зимни шаҳодатномасупорӣ ҷиҳати муайян намудани мавҷудияти шаҳодатномаи ҳизбӣ, инчунин саривақт пардохт кардани ҳаққи узвият, тақвият бахшидани тарзи дурусти ҳуҷҷатгузории ҳизбӣ корҳои фаҳмондадиҳӣ гузаронд.