Бо мақсади омодагӣ ба кишту кори баҳорӣ, тоза намудани ҷуйбору каналҳо ва заҳкашҳо ҳамзамон ба ин васила беҳтар намудани ҳолати мелиаративии заминҳои корам имрӯзҳо бо ташаббуси раисони ташкилотҳои ибтидоӣ, аъзо ва фаъолон дар деҳаву маҳаллаҳои ноҳияи Ҷайҳун, тоза намудани ҷуйборҳо ва корҳои саҳроӣ оғоз гардидаистодааст.
Ин навбат чунин ташаббус бо иқдоми ташкилоти ибтидоии ҳизбии "Дӯстӣ" дар деҳаву хоҷагиҳои деҳқонии ҳудуди Ҷамоати шаҳраки Дӯстӣ ба роҳ монда шуда, канали обрасон тариқи ҳашари дастаҷамъона канда шуда, баҳри таъмини сокинон бо оби хоҷагӣ дар мавсими баҳорӣ омода карда шуд.
Ҳамзамон дар дигар Ҷамоатҳои ноҳия чунин омодагиҳо ба мавсими кишти баҳорӣ бо маром идома дошта, роҳбарони хоҷагиҳои деҳқонӣ, сокинони маҳал ва аъзоёну ҷонибдорони ҳизб ба ҳашар баромада, ҷуйборҳои дохили хоҷагӣ ва байни деҳаро тоза намудаистодаанд.
